Шӯъбаи обуҳавошиносӣ

Агентӣ дар  доираи  ўҳдадориҳои  худ  соҳаҳои мухталифи хоҷагии халқ, аз қабили хоҷагии қишлоқ, манзил, роҳ, нақлиёт, об, ҳолатҳои фавқулодда, барқ, алоқа, аҳолӣ ва амсоли онҳоро бо маълумотҳои зерини обуҳавошиносӣ таъмин намуд: пешгўиҳои обуҳаво дар давоми як шабонарўз (барои вилоятҳо, шаҳрҳои Душанбе, Хоруғ, Хуҷанд, Қурғонтеппа ва Кўлоб); пешгўиҳои обуҳаво дар давоми 5 шабонарўз ва 1 моҳ (барои вилоятҳо); пешгўии мавсими зимистони солҳои 2015-2016; пешгўиҳои 10 рўза, моҳона ва семоҳа оид ба тағйир ёфтани андозаи оби дарёҳои ҷумҳурӣ; шарҳи маълумотҳои обуҳавои моҳои сипаришуда. Пешгўиҳои мавсимӣ -2 маротиба, пешгўии 1-моҳаи обу ҳаво 12 маротиба. Пешниҳоди иттилоот ба воситаи суроғаҳои электронӣ то имрўз ба 91 адад расидааст.

Соли  равон  ба Ҳукумати  Ҷумҳурии  Тоҷикистон  ва соҳаҳои  дахлдори  хоҷагии  халқ 252  пешгӯҳои  1-5 шабонарўзӣ, 36 бюллетени гидрологӣ, 30 бюллетени агрометорологӣ, 12 пешгўиҳои моҳонаи обу ҳаво, 4 пешгўии сарфи оби дарёҳо дар давраи мавсимӣ, 12 шарҳи маълумотҳои обуҳавои моҳҳои сипаришуда пешкаш карда шуд.

Агентӣ барои оҷилан дастраси истифодабарандагон гардонидани пешгўиҳои обуҳаво аз воситаи алоқаи Интернетӣ истифода намуда, мўҳлати расонидан ва сифати маълумотҳоро бештар гардонид.

Имсол ба истиқболи ҷашни 25-солагии Истиқлолияти давлатии Ҷумҳурии Тоҷикистон ва 90-солагии таъсисёбии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон кормандони шуъбаи иттилоотии истифодабарандагон кўшиш ба харҷ дода истодаанд, ки ҳамаи маълумотҳои заруриро аз шуъбаҳо ва марказҳои Агентии обуҳавошиносӣ қабул карда ба дараҷаи талаботи  имрўза  мувофиқ  гардонида  сипас,  бо  сифати баланд ҳар чӣ тезтар ба истифодабарандагон расонанд.

Дастовардҳои меҳнатӣ бо истифода аз техникаoои компютерӣ :

-  Баъд аз дастрас гардидани техникаҳои компютерӣ вақти тайёр намудани пешгўиҳои обуҳаво ва дастраси ба истифодабарандагон то ду соат кўтоҳ гардид.

-  Ҳолати дар шакли электронӣ нигоҳ доштани иттилоот ба куллӣ беҳтар гардид.

-   Ба истифодабарандагон пешниҳод намудани пешгўиҳо дар намуди варақаҳои бюллетенӣ беҳтар гардидааст.