Пешгӯии обу ҳавои ҷумҳурӣ барои моҳи июли соли 2022

Вилояти Хатлон ва водиҳои Ноҳияҳои тобеи ҷумҳурӣ

 

Ҳарорати миёнаи моҳонаи ҳавои атмосферӣ дар ҳудуди меъёри иқлимӣ, дар баъзе ноҳияҳо аз меъёри иқлимӣ 1,0º баланд пешгӯӣ шуда, дар водиҳо 27+33º гарм, дар ноҳияҳои доманакӯҳӣ +25º гармиро ташкил медиҳад (меъёр: дар водиҳо 26+32º гарм, дар доманакӯҳҳо +24º гарм).

Дар нимаи аввали моҳ ҳарорати ҳаво дар ноҳияҳои водибуда шабона аз 15+20º гарм то 20+25º гарм, рӯзона 35+40º гарм, дар ноҳияҳои доманакӯҳӣ шабона 14+19º гарм,  рӯзона 32+37º гарм пешгӯӣ мешавад.

Дар нимаи дуюми моҳ баландшавии ҳарорати ҳаво пешгӯӣ шуда, дар водиҳо шабона то 24+29º гарм, рӯзона 38+43º гарм, дар ноҳияҳои ҷанубӣ то 44+46º гарм, дар ноҳияҳои доманакӯҳӣ шабона 19+24º гарм, рӯзона 35+40º гарм мешавад.

Миқдори моҳонаи боришоти атмосферӣ аз меъёри иқлимӣ паст пешгӯӣ шуда, дар водиҳои НТҶ 2-4мм (меъёр:4-6,2мм), дар ноҳияҳои водибудаи вилояти Хатлон 0,3-0,5мм (меъёр: 0,1-3,6мм), дар ноҳияҳои доманакӯҳӣ 6-9мм (меъёр:7,9-10,5мм)-ро ташкил медиҳад.

Ба амал омадани боришоти сусти борон ва раъду барқ дар нимаи аввали моҳ пешгӯӣ мешавад.

Дар рӯзҳои алоҳида вазиши шамол аз самти ғарб бо суръати то 17-22м/с пешгӯӣ шуда, тӯфони чангу ғубор ба амал меояд.

     

Вилояти Суғд

Ҳарорати миёнаи моҳонаи ҳавои атмосферӣ дар водиҳо ҳудуди меъёр иқлимӣ, дар баъзе ноҳияҳои водибуда аз меъёри иқлимӣ 1º баланд, дар ноҳияҳои кӯҳӣ бошад аз меъёри иқлимӣ 1º паст пешгӯӣ шуда, дар ноҳияҳои водибуда 27+29º гарм, дар ноҳияҳои кӯҳӣ 13+16º гармиро ташкил медиҳад (меъёр: дар водиҳо 27+28º гарм, дар ноҳияҳои кӯҳӣ 14+17º гарм).

Дар нимаи аввали моҳ ҳарорати ҳаво дар ноҳияҳои водибуда шабона 16+21º гарм, рӯзона 32+37º гарм, дар ноҳияҳои кӯҳӣ шабона 9+14º гарм,  рӯзона 23+28º гарм дар назар дошта шудааст.

Дар нимаи дуюми моҳ баландшавии ҳарорати ҳаво пешгӯӣ шуда, дар водиҳо шабона то 22+27º гарм, рӯзона то 37+42º гарм, дар ноҳияҳои кӯҳӣ шабона 12+17º гарм, рӯзона 28+33º гарм мешавад.

Миқдори моҳонаи боришоти атмосферӣ дар ноҳияҳои водибуда аз меъёри иқлимӣ паст, дар ноҳияҳои кӯҳӣ бошад ҳудуди меъёри иқлимӣ, дар баъзе минтақаҳои кӯҳӣ аз меъёри иқлимӣ баланд пешгӯӣ шуда, дар водиҳо 0,4-2,2мм, дар ноҳияҳои кӯҳӣ 14-52мм (меъёр: дар водиҳо 2,6-3,1мм, дар ноҳияҳои кӯҳӣ 14-28мм)-ро ташкил медиҳад.

Рӯзҳои алоҳида борон борида, раъду барқ ба амал омада, дар баъзе ноҳияҳо вазиши шамол аз самти ғарб бо суръати то 18-23 м/с пешгӯӣ шуда, дар водиҳо чангу ғубор ба амал меояд.

 

Минтақаҳои кӯҳии Ноҳияҳои тобеи ҷумҳурӣ

ва ғарби Вилояти мухтори кӯҳистони Бадахшон

Ҳарорати миёнаи моҳонаи ҳавои атмосферӣ дар минтақаҳои кӯҳии Ноҳияҳои тобеъи ҷумҳурӣ (НТҶ) ва ғарби Вилояти мухтори кӯҳистони Бадахшон дар ҳудуди меъёри иқлимӣ, дар баъзе ноҳияҳо аз меъёр 1º паст пешгӯӣ шуда, дар минтақаҳои кӯҳии НТҶ 18+23º гарм, дар ғарби ВМКБ 18+24º гармиро ташкил медиҳад (меъёр: дар минтақаҳои кӯҳии НТҶ 18+24º гарм, дар ғарби ВМКБ 21+23º гарм).

Дар нимаи аввали моҳ ҳарорати ҳаво дар ноҳияҳои кӯҳӣ шабона 11+16º гарм, рӯзона 30+35º гарм дар назар дошат шудааст.

Дар нимаи дуюми моҳ баландшавии ҳарорати ҳаво дар назар дошта шуда, дар ноҳияҳои кӯҳӣ шабона 14+19º гарм, рӯзона 34+39º гарм мешавад.

Миқдори моҳонаи боришоти атмосферӣ дар ҳудуди меъёри иқлимӣ, дар баъзе ноҳияҳо аз меъёри иқлимӣ баланд пешгӯӣ шуда, дар ноҳияҳои кӯҳии НТҶ 18-35мм, дар ғарби ВМКБ 4-19мм-ро ташкил медиҳад (меъёр: дар минтақаҳои кӯҳии Ноҳияҳои тобеи ҷумҳурӣ 18-27мм, дар ғарби Вилояти мухтори кӯҳистони Бадахшон 4-6мм).

Давоми моҳ рӯзҳои алоҳида борон борида, раъду барқ ба амал омада, дар баъзе ноҳияҳо вазиши шамол бо суръати то 15-20м/с дар назар буда, тӯфони чангу ғубор ба амал меояд.

 

Шарқи Вилояти мухтори кӯҳистони Бадахшон

Ҳарорати миёнаи моҳонаи ҳавои атмосферӣ дар ҳудуди меъёри иқлимӣ, дар баъзе ноҳияҳо аз меъёри иқлимӣ  паст пешгӯӣ шуда, 8+12º гармиро ташкил медиҳад (меъёр: 9+13º гарм).

Дар нимаи аввали моҳ ҳарорати ҳаво шабона аз 0+5º гарм то 3+8º гарм, рӯзона 14+19º гарм дар назар дошта шудааст.

Дар нимаи дуюми моҳ баландшавии ҳарорати ҳаво пешгӯӣ шуда, шабона аз 6+11º гарм то 9+14º гарм, рӯзона 20+25º гарм мешавад.

Давоми моҳ боришот гоҳ-гоҳ ба амал омада, миқдори моҳонаи он аз меъёри иқлимӣ паст дар назар дошта шуда, 5,00 мм –ро ташкил медиҳад (меъёр:6-16мм).

 

Соли монанд – 2020.


Хабарҳои охирин