Шарҳи вазъи обу ҳаво ва пайомади омилҳои табиӣ дар Ҷумҳурии Тоҷикистон барои моҳи июни соли 2026
Вазъи ҳарорати ҳаво ва боришот
Моҳи июни соли ҷорӣ дар ҷумҳурӣ ҳавои муқарарӣ мушоҳида гардид.
Ҳарорати миёнаи моҳонаи ҳаво дар бештари манотиқи кишвар аз меъёри иқлимӣ 1-20 баланд буда, дар баъзе ноҳияҳои кӯҳӣ то 1° паст ба қайд гирифта шуда, дар водиҳои вилояти Хатлон 27+31° гарм (меъёр 27+300 гарм), дар ноҳияҳои доманакӯҳи то +23° гарм (меъёр 21+230 гарм). Дар ноҳияҳои водибудаи НТҶ то +27° гарм (меъёр +25° гарм), дар ноҳияҳои кӯҳӣ 16+210 гарм (меъёр 16+220 гарм). Дар водии вилояти Суғд то +27° гарм (меъёр +27° гарм), дар ноҳияҳои кӯҳӣ 13+160 гарм (меъёр 12+16° гарм). Дар ғарби вилояти мухтори кӯҳистони Бадахшон 18+25° гарм (меъёр 17+240 гарм), дар шарқӣ вилоят 8+11°гарм (меъёр 7+9° гарм)-ро ташкил намуд.
Дар давоми моҳ ҳарорати ҳаво дар тамоми қаламрави кишвар тағйир ёфта, ҳарорати рӯзонаи ҳаво дар водиҳо аз 30+36° то 37+420 гарм, ҳарорати шабонаи ҳаво аз 17+22° то 23+28° гарм шуд. Дар ноҳияҳои кӯҳӣ, рӯзона аз 22+28° то 31+34° гарм, (дар н.Дарвоз рӯзона то 35+37 гарм, шабона аз 14+16° то 18+200 гарм), шабона аз 9+14° то 15+17° гарм, дар шарқи Вилояти Мухтори Кӯҳистони Бадахшон (ВМКБ) шабона аз 0+5° то 7+9° гарм, рӯзона бошад аз 9+14° то 17+23° гармӣ ба қайд гирифта шуд.
Воридшавии анбӯҳи ҳавои нисбатан сард рӯзҳои 5-6 ва 18-22 июн мушоҳида шуда, ҳарорати миёнаи шабонарӯзии ҳаво аз нишондиҳандаҳои миёнаи дарозмуддат то 4-6° пасттар арзёбӣ гардид.
Миқдори боришоти моҳона дар қисми ҷумҳурӣ аз меъёри иқлимӣ зиёд ва дар баъзе ноҳияҳо дар меъёри иқлимӣ мушоҳида гардид: дар вилояти Хатлон 44-349% (меъёр 2,1-20,7мм), (Панҷи поён 575% (меъёр 0,4мм), Панҷ 711% (меъёр 1,8 мм). Дар ноҳияҳои тобеи ҷумҳурӣ 16-203 % (меъёр 11,8-44,4мм), Душанбе 508% (меъёр 6,2мм), Ҳисор 272% (меъёр 6мм). Дар вилояти Суғд 40-154% (меъёр 4,1-34,7мм), Панҷакент 916% (меъёр 5,5мм), Истаравшан 180% (меъёр 15,2мм), Мадрушкат 237% (меъёр 21,7мм), Сангистон 343% (меъёр 12,5мм). Дар ҒВМКБ 1-31 % (меъёр 5,9-8мм), н Дарвоз 121% (меъёр 15,5мм), дар ШВМКБ 23-257% (меъёр 5,3-16,4мм),Каракул 320% (меъёр 7,5мм), Мурғоб 312% (меъёр 8,4мм) арзёбӣ шудааст.
Дар рӯзҳои 1-2,8-9,10,12,17-20,24-25,27-28 июн дар ноҳияҳои алоҳидаи НТҶ, вилоятҳои Хатлон, Суғд ва дар ноҳияҳои алоҳидаи ВМКБ шиддатнокии вазиши шамол бо суръати то 13-18 м/с, дар стансияи Айвоҷ то 25 м/с мушоҳида шуд.
Рӯзҳои 1-5,10,17-18,24,29-30 июн дар баъзе ноҳияҳои вилояти Хатлон ва рӯзхои 10, 29-30 июн дар ноҳияҳои алоҳидаи НТҶ чангу ғубор ва хокбориш ба қайд гирифта шуд.
Рӯзҳои 1-7, 9-12, 16-21, 24, 27-28 ва 30 моҳи июн дар ноҳияҳои алоҳидаи НТҶ, вилоятҳои Хатлон ва Суғд раъду барқ, рӯзҳои 5,16-17,20-21 ва 24 жола ба амал омада буд.
Вазъи обшиносӣ
Шарҳи вазъи обнокии дарёҳо ва обанборҳои ҷумҳурӣ дар
моҳи июни соли 2026
Давоми моҳи июни соли ҷорӣ дар дарёҳои ҷумҳурӣ асосан баландшавии сатҳи об мушоҳида гардида, дар дарёи Қизилсӯ (ҷанубӣ) пастшавии сатҳи об ба қайд гирифта шуд.
Сарфи миёнаи моҳонаи об дар ин давра дар ҳавзаи дарёи Зарафшон дар ҳадди меъёр ва аз он зиёд (91-133%), дар ҳавзаи дарёи Вахш аз меъёр зиёд (114%), дар ҳавзаи дарёи Кофарниҳон аз меъёр кам ва дар ҳадди меъёр (86-106%), дар ҳавзаи дарёи Панҷ дар ҳадди меъёр ва аз он зиёд (100-133%) мушоҳида гардид. Дар дарёи Исфара обнокӣ дар ҳадди меъёр (99%), дар дарёи Қаратоғ аз меъёр кам (77%) ва дар дарёи Қизилсӯ (ҷанубӣ) низ ин нишондиҳанда аз меъёр кам (62%) ба қайд гирифта шуд.
Ҳаҷми оби обанбори Норак дар давоми моҳ 951 млн. м3 зиёд гардида, санаи 30 июни соли ҷорӣ 7651 млн. м3–ро ташкил дод, ки нисбат ба ҳамин давраи соли гузашта 641 млн.м3 кам мебошад.
Ҳаҷми оби обанбори Қайроққум дар давоми моҳ 466 млн.м3 кам гардида, санаи 30 июни соли равон 3036 млн.м3 –ро ташкил дод, ки нисбат ба ҳамин давраи соли гузашта 201 млн.м3 зиёд мебошад.
Дурустии пешгӯиҳои обшиносӣ дар моҳи июни соли 2026 дар умум 83,7% -ро ташкил дод, ки нисбат ба ҳамин давраи ҳисоботии соли 2025 (июни соли 2025- 83%) 0,7% баланд ба қайд гирифта шуд.
Вазъи агрометеорологӣ
Шароити агрометеорологӣ: Барои гузаронидани корҳои саҳроӣ дар заминҳои кишоварзӣ, боғҳо ва токзорҳо шароит асосан хуб ва қаноатбахш буд. Танҳо дар баъзе рӯзҳо дар ноҳияҳои алоҳидаи ҷумҳурӣ иҷрои корҳои саҳроӣ бинобар боришоти ба амал омада, ки дар баъзе ноҳияҳо шиддатнок борида буд аз сабаби аз ҳад зиёд намнок шудани қабати шудгоршавандаи хок, номусоид арзёбӣ гардид.
Пахта: Дар давоми моҳ дар майдонҳои пахта корҳои агротехникӣ, аз ҷумла ворид намудани нуриҳо, коркарди хок бо маводи кимиёвии зидди алафҳои бегона, додани нуриҳои азотӣ, нармкунии дастии байни қаторҳо ва обёрӣ анҷом дода шуданд.
Ҳарорати баланди ҳаво рӯзона (40+4° гармӣ), инчунин дар баъзе ноҳияҳои кишоварзӣ шиддат гирифтани суръати шамол ва дар ноҳияҳои алоҳида ба мушоҳида расидани чангу ғубор барои нашъунамо ва рушди пахта чандон мусоид набуд. Ин омилҳо боиси зиёд гардидани масрафи захираҳои намии хок шуданд. Дар қитъаҳои мушоҳидавии стансяи ш. Бохтар, Айвоҷ ва Ҳисор марҳилаи «гулкунӣ» ба қайд гирифта шуд, дар стансяи Панҷ бошад марҳилаи «ғунчабандӣ» мушоҳида гардид. Дар вилояти Суғд, дар стансяи Бӯстон низ марҳилаи «гулкунӣ» ба қайд гирифта шуда, баландии растаниҳо ба 60 сантиметр мерасад. Таъминоти пахта бо намӣ тавассути обёрӣ дар сатҳи наздик ба меъёр нигоҳ дошта шуд. Вазъи кишти пахта хуб буда, дар баъзе ноҳияҳо қаноатбахш арзёбӣ мегардад.
Зироатҳои ғалладонаи тирамоҳӣ: Дар қисми зиёди моҳи июн, дар шароити мусоиди обу ҳаво ҷамъоварии ҳосили зироатҳои ғалладонаи тирамоҳӣ идома дошт. Танҳо дар баъзе ноҳияҳои ҷумҳурӣ шиддат гирифтани суръати шамол то 15–22 м/с ва ба вуҷуд омадани чангу ғубор боиси хобиши пояҳо ва рехтани донаҳои пухтарасида гардад. То рӯзи охири моҳ дар ноҳияҳои ғаллапарвари ҷануби ҷумҳурӣ (ноҳияҳои водибуда), аз ҷумла дар стансяҳои Айвоҷ, ш.Бохтар, Данғара ва Исанбой ҷамъоварии ҳосил идома дошт. Тибқи маълумоти рӯзи охири моҳ, дар водии Ҳисор (стансяи Ҳисор) зироатҳои ғалладонаи тирамоҳӣ дар қитъаи мушоҳидавӣ ба марҳилаи «пухтагии пурра» расида, ҷамъоварии ҳосил оғоз гардидааст. Дар ноҳияҳои кӯҳии тобеи ҷумҳурӣ, дар стансяи Рашт марҳилаи «пухтагии пурра» идома дошта, баландии растаниҳо 70 см-ро ташкил медиҳад. Дар стансяи Лахш ҷави баҳорӣ дар марҳилаи «хӯшабандӣ» қарор дошта, баландии он ба 70 см мерасад. Дар стансяи Бӯстонабод барои гандуми баҳорӣ марҳилаи «пухтани ширӣ» ба қайд гирифта шуда, баландии растаниҳо 77 см мебошад. Дар вилояти Суғд, дар стансяи Сангистон марҳилаи «пухтаии пурра» идома дошта, баландии растаниҳо 62 см-ро ташкил медиҳад. То охири моҳ ҳолати киштзорҳо дар маҷмӯъ хуб арзёбӣ гардида, дар баъзе ноҳияҳо қаноатбахш буд.
Дарахтони мевадиҳанда: Дар ноҳияҳои водибуда баланд шудани ҳарорати ҳаво рӯзона то 38+43° гармӣ барои ташаккул ва рушди меваҳои дарахтони мевадиҳанда мусоид арзёбӣ гардид. Дар ноҳияҳои ҷанубии ҷумҳурӣ марҳилаҳои «ташаккул (афзоиш)-и мева» ва «пухтарасии мева» идома доштанд. Ҳамзамон, ҷамъоварии ҳосили зироатҳои донакдор, аз ҷумла зардолу, олуча, олуболу ва гелос идома дорад. Барои зироатҳои тухмдор, аз қабили себ ва нок, марҳилаи «пухтарасии мева» мушоҳида гардида, ҷамъоварии ҳосил низ идома дошт. Дар вилояти Суғд, дар ноҳияҳои водию- доманакӯҳӣ барои зироатҳои донакдор ва тухмдор марҳилаҳои «ташаккул (афзоиш)-и мева», «пухтарасии мева» ва ҷамъоварии ҳосил ба қайд гирифта шуданд. Ба амал омадани чангу ғубор ва шиддат гирифтани суръати шамол, ки дар баъзе ноҳияҳо мушоҳида гардиданд, барои пухтарасии меваҳои дарахтони мевадиҳанда чандон мусоид набуданд. Дар Вилояти Мухтори Кӯҳистони Бадахшон барои дарахтони олуболу ва зардолу марҳилаи «ташаккул (афзоиш)-и мева» ва «пухтарасии мева» идома дошта, дар стансяи Рӯшон ва Хоруғ ҷамъоварии ҳосили олуболу низ идома дошт. Дар ноҳияҳои водигию-доманакӯҳӣ ва кӯҳӣ корҳои нигоҳубини боғҳо, аз ҷумла обёрӣ, сафед кардани танаи дарахтон ва коркарди дарахтон бо маводи кимиёвии муҳофизатӣ бар зидди ҳашароти зараррасон гузаронида шуданд.
Растаниҳои чарогоҳӣ ва шароити чаронидани чорво: Дар чарогоҳҳои зимистонаи ҷануби Тоҷикистон (ноҳияҳои водибуда) растаниҳо давраи табиии рушди худро ба анҷом расонида, хушк шуданд. Танҳо растаниҳо дар ноҳияҳои доманакӯҳӣ ҳанӯз дар марҳилаи нашъунамо қарор дошта, равандҳои «шохаронӣ ва афзоиши навдаҳо» идома доранд. Баландии растанӣ дар стансяи Исанбой 37 см-ро ташкил медиҳад.
Интиқоли захираи хӯроки чорво ба пойгоҳҳои зимистонгузаронии ҳайвонот идома дошта, дарави алаф дар алафзорҳои табиӣ ва чарогоҳҳо низ идома дорад. Дар қисми зиёди моҳ чаронидан ва кӯчонидани чорво бе мушкилот анҷом дода шуд. Бо вуҷуди ин, дар баъзе рӯзҳо дар ноҳияҳои водибуда ҳарорати баланди ҳаво рӯзона (40+43° гармӣ), шиддат гирифтани шамол ва ба амал омадани чангу ғубор ба чаронидани чорво мушкилӣ эҷод мекарданд. Мешҳои зотӣ ва чорвои ҷавон ба ҷойҳои сояафкан ва таъминоти бештар бо оби нӯшокӣ эҳтиёҷ доштанд. То рӯзи охири даҳрӯза дараҷаи чаронидашавии чарогоҳҳо ва ҳолати қабати алафпӯш дар ҷануби ҷумҳурӣ 3 балл арзёбӣ гардид, ки ба ҳолати миёнаи чаронидашавӣ мувофиқ мебошад (алаф хушк буда, ҳангоми гузашти ҳайвонот осори пойҳо ба таври равшан мушоҳида мешаванд). Вазъи растаниҳои чарогоҳӣ қаноатбахш ва дар баъзе минтақаҳо хуб арзёбӣ гардид. Дар чарогоҳҳои алафдарави ноҳияҳои тобеи ҷумҳурӣ шароити ҳароратӣ даҳрӯзаи сипаришуда барои рушду инкишофи босуръати растаниҳои мусоид буд. Чаронидани чорво дар майдонҳои дорои алафпӯши сабз анҷом дода шуд. Дар ноҳияҳои кӯҳӣ, ки дар баландии 1900–2000 метр аз сатҳи баҳр ҷойгир шудаанд (стансяи Бӯстонабод), нашъунамои алафҳои чарогоҳӣ идома дошта, баландии алаф аз 72 то 110 см-ро ташкил медиҳад.
Дар чарогоҳҳои баландкӯҳи Вилояти Мухтори Кӯҳистони Бадахшон (минтақаи Ҷавшанғоз) сабзиши дубораи алафҳо дар чарогоҳҳои тобистона идома дошта, баландии алафпӯш аз 13 то 16 см мебошад. Боришоти ба амал омада барои афзоиши минбаъдаи захираи намӣ дар хок мусоидат намуд.
Рӯзона чорво дар чарогоҳҳои сабз чаронида мешуд, аммо алаф ҳанӯз арзиши кофии хӯрокӣ надошт. Шабона ҳайвонот ба ҷойҳои паноҳгоҳ ниёз доштанд. Дар чунин шароит эҳтимоли пайдоиши бемориҳои хунукзанӣ дар байни ҳайвонот ба вуҷуд омада буд.
Вазъи барфу яхсанҷӣ ва зуҳуроти селӣ
Дар давоми моҳи июни соли ҷорӣ аз ҷониби мутахассисон оид ба сар задани зуҳуроти селӣ 7 пешгӯӣ бо давомнокии 23 шабонарӯз пешниҳод гардид, ки дар ин давра омадани 38 адад сел ба қайд гирифта шуд. Таҳлилҳо нишон медиҳанд, ки бинобар сабаби зиёд будани боришот дар моҳи июни соли 2026 нисбат ба моҳи июни соли 2025 омадани зуҳуроти селӣ 31 адад сели фаромада зиёд ба қайд гирифта шудааст, яъне дар моҳи июни соли 2025, 10 пешгӯӣ бо давомнокии 25 рӯз карда шуд, ки дар ин давра 7 адад сел ба қайд гирифта шудааст.
Ҷиҳати иҷрои банди 5.3-и «Барномаи давлатии омӯзиш ва ҳифзи пиряхҳои Тоҷикистон барои солҳои 2010–2030» ва мутобиқи нақшаи кории марказ барои нимсолаи якуми соли 2026, гузаронидани корҳои таҳқиқотию-экспедитсионӣ дар пиряхи Деҳдали ҳавзаи дарёи Сурхоб ба роҳ монда шуд, ки тибқи таҳлилҳо ва натиҷаҳои бадаст омада, пирях дар ҳолати номувозинатӣ қарор дошта, дар ҳолати баланд шудани ҳарорати ҳаво эҳтмоли ҳаркати пирях меафзояд.
Ҷиҳати дар амал татбиқ намудани харитаи роҳ оид ба паст кардани офатҳои табиӣ дар Тоҷикистон, санаи 10.06.2026 дар толори Агентӣ ҷаласаи дуюми ҳамоҳангсозии татбиқи Харитаи роҳи таҳкими низоми огоҳсозии бармаҳал дар Тоҷикистон барои солҳои 2024-2027, бо иштироки намояндагони вазорату идораҳои дахлдор ва ташкилотҳои байналмилалӣ ва шарикони рушд баргузор гардид, ки рафти чорабинии мазкур аз ҷониби марказ ба танзим дароварда шуд.
Иштироки мутахассисони марказ дар Конфронси илмӣ-амалӣ ва семинари омӯзишӣ таҳти унвони «Кам кардани хавфи офатҳои табиӣ бо такя ба экосистема (Eco-DRR), таҳкими устувории экологӣ дар шароити тағйирёбии иқлим», ки санаи 23-26.06.2026 аз ҷониби Институти масъалаҳои об, гидроэнергетика ва экологияи Академияи миллии илмҳои Тоҷикистон баргузор гардид.
Вазъи мониторинги муҳити зист
Мувофиқи мушоҳидаҳо дар моҳи июни соли 2026 нишондоди миёнаи моҳонаи моддаҳои ифлоскунандаи ҳавои шаҳри Душанбе чунин арзёбӣ гардид:
Оксиди карбон (СО) 0,14 ҲМҒ (0,41мг/м3), оксиди нитроген (NО) 0,2ҲМҒ (0,012мг/м3), дуоксиди нитроген (NO2) 0,9 ҲМҒ (0,036мг/м3), дуоксиди сулфур (SO2) 0,1 ҲМҒ (0,005 мг/м3), озон(03) 2,5 ҲМҒ (0,076 мг/м3), зарачаҳои 10 мкр. (РМ-10) 1,13 ҲМҒ (0,068 мг/м3), зарачаҳои 2,5мкр.(РМ-2,5) 0,54 ҲМҒ(0,019 мг/м3), формалдегид (СН2О) 0,33 ҲМҒ(0,001 мг/м3), фенол (С6Н6О) 0,07ҲМҒ (0,0002 мг/м3) фториди гидроген HF) 0,02 ҲМҒ(0,0001 мг/м3).
Дар моҳи июн нишондоди баландтарини моддаҳои таркиби ҳаво, аз ҷумла оксиди карбон (СО) 0,17 ҲМҒ (0,56мг/м3) рўзи 10 июн, дуоксиди нитроген (NO2) 1,15 ҲМҒ (0,046мг/м3) рўзи 10 июн, дуоксиди сулфур (SO2) 0,16 ҲМҒ (0,008 мг/м3), рўзи 14 июн, озон (03) 3,2 ҲМҒ (0,097 мг/м3) рўзи 28 июн, зарачаҳои андозаашон 10 мкр.(РМ-10) 3,3 ҲМҒ (0,2 мг/м3), рўзи 29 июн, зарачаҳои андозаашон 2,5 мкр.(РМ-2,5) 1,3 ҳадди муайяни ғилзат (0,045 мг/м3) рўзи 29 июн, формалдегид (СН2О) 0,53 ҲМҒ (0,0016 мг/м3) рўзи 9 июн, фенол (С6Н6О) 0,1 ҲМҒ (0,0003 мг/м3) рўзҳои 2,3 июн ва фториди гидроген 0,04 ҲМҒ (0,0002 мг/м3) рўзҳои 11-12 июн ба қайд гирифта шуд.
Натиҷаи мушоҳидаҳо нишон медиҳанд, ки моҳи июни соли 2026 аз рўи қиммати миёнаи моҳона нишондоди озон ва зарачаҳои андозаашон 10мкр (Рм-10) аз меъёр баланд ба қайд гирифта шуда, нишондоди дигар моддаҳои мушоҳидашаванда дар ҳадди меъёр қарор доранд.
Нисбати моҳи май дар моҳи июни соли 2026 нишондоди озон, оксиди нитроген, дуоксиди нитроген, зарачаҳои андозаашон 10 мкр, зарачаҳои андозаашон 2,5мкр, фенол баланд мушоҳида гардида, нишондоди формалдегид паст ва оксиди карбон бетағйир мушҳида шуд.
Нисбати ҳамин давраи соли гузашта бошад нишондоди ҳамаи моддаҳои мушоҳидашаванда паст буда, танҳо нишондоди озон баланд ба қайд гирифта шуд.
Давоми моҳ ҳолатҳои ифлосшавии баланд (ИБ) ва ҳолати ифлосшавии ниҳоят баланд (ҲИНБ) мушоҳида нагардидааст. (Ҳолати ифлосшавии баланди ҳаво дар мавриди аз 10 маротиба ва ҳолати ниҳоят баланди ифлосшавии ҳаво бошад 50 маротиба аз меъёр баланд будан пешниҳод мегардад)
Нишондоди афканишот аз 0,014 то 0,016 мР/с тағйир ёфта, аз меъёр баланд ба қайд гирифта нашуд.
Сабаби баланд будани нишондоди озон ин омилҳои метеорологӣ (ҳавои гарм, нурпошии зиёди офтоб) ва антропогенӣ (партовҳои корхонаҳои саноатӣ, нақлиётӣ) мебошад.
Эзоҳ:
ҲМҒ- ҳадди муайяни ғилзат.
мг/м3 милиграм дар 1 метри кубӣ.
ИБ- ифлосшавии баланд. (высокое загрязнение,ВЗ).
мР/с- миллирентген соат.
мкр-микрон.
Шарҳи сифати оби дарёҳои ҷумҳурӣ дар моҳи
июни соли 2026
Давоми моҳ 38 намунаи об аз 23 манбаи обӣ аз ҷумла (Вахш, Сурхоб, Панҷ, Зарафшон, Кофарниҳон, Элок, Ширкент, Хонақо, Қаратоғ, Лучоб, Варзоб, Душанбе, Пандема, Сардаи-Миёна, Сорбо, Сангикар, Сорбоғ, Хингоб, Сурхоб, Сирдарё, Исфара), 1 кӯл (Искандаркӯл), 1 обанбор (Баҳри Тоҷик), 1 канал (Варзоб) ворид гардида, аз рӯи 17 то 24 нишондодҳои физикию кимиёвӣ ташхиси сифати об гузаронида шуд.
Мушоҳидаҳои сифати об аз рӯи нишондодҳои физикӣ ва кимиёвӣ, аз ҷумла ҳарорат, нишондоди гидрогенӣ (рН), потенсиали оксиду барқароршавӣ (еh), қобилияти ҷараёнгузаронӣ, моддаҳои муаллақ, боқимондаи хушк, шаффофӣ, намакнокӣ, буй, ионҳои асосии об (HCO3, Cl2+, Ca2+, Mg2+, минерализатсия, дуруштии умумӣ, оксигени ҳалшуда, сершавии оксигенӣ, оксиди карбон гузаронида шуд.
Мувофиқи таҳлилҳо дар нуқтаҳои мушоҳидавии дарёи Вахш нишондоди сулфат (SO4), моддаҳои муаллақ, нитрит (NO2), дарёҳои Сурхоб, Хингоб - моддаҳои муаллақ, шафофӣ, сулфат(SO4), дарёҳои Панҷ-шафофӣ, Зарафшон моддаҳои муаллақ, нитрит (NO2) шафофӣ, Пандема, Кофарниҳон, Элок, Лучоб, Сорбо - нитрит (NO2) аз меъёр баланд ба қайд гирифта шуда, нишондоди дигар моддаҳои ифлоскунанда дар ҳадди меъёр ба қайд гирифта шуд.
